صبحكم الله بالخير
يا اولاد العم
اهدي لكم موقف بسيط من بني علي بالكويت والخفجي مع الشاعر جزا صالح ومدحه لهم بأبيات شعريه تستحق الذكر .
لقد وقف بني علي مع الشاعر جزا صالح موقف شرف وعز وادخل بعدها المستشفي وعمل عمليه جراحيه خاصه بالقلب والشرايين ونجحت العمليه وتذكر موقف بني علي بعد العمليه ومدحهم بأبيات شعريه اهديها لكم .
ارجو ان تنال رضاكم
وهي :-
حي الله اللي مواقفهم تشرفني *** قاموا معي بالكويت وبالسعوديه
رجال ٍ على ما جرى ليّه تناصفني *** بالطيب والمجد والحاجات مقضيّه
بالمال والحال والفزعات تسعفني *** حتى تشافيت عقب جروحي النيه
يوم ان كل يصد ولا يسلفني *** والشرهه اللي من الخلان منسيه
ويقول ماله معاش ولا يخلصني *** يعل ماله مع الاجواد شرعيه
بعض القرايب تقل ماكن يعرفني *** نسى الجمايل ورد الفعل عكسيه
وقامت رجال ٍعلى الفزعات تتحفني *** قومت دهيمات والفزعات حربيه
مبحل (1 )بدا بالمكارم ماتزلفني *** وخلف ولد مبحل الضرغام مركيه
والله والله لو انك محلفني *** لاقول محد ٍسبقهم بالفزع ليه
ومحمد الغتر (2)مع ربعه يرافقني *** عليهم البيض والحسنات مضفيه
لو قيل منهم لاقول العين والجفني *** ربعي حزامي هل الوقفات بالهيه
هم الدهيمات بالفزعات تنصفني *** فزعاتهم بالعلن ماهي بمخفيه
اهل مهارن تحد القوم للحزني *** شهب طلايع مرابط خيل منقيه
ليا جت كراديس مثل الغيم والمزني *** تاريخ وافعال نار تلتهب حيه
حذف الجنايز وراهم مالها دفني *** بسيوف حدب بروس القوم مقديه
فعل مضى بنجد والنسيان يوسفني *** اشوفها بين بعض الناس منسيه
واليوم ابذّكر الهلباج والعفني *** ان كان عنده من التاريخ عقليه
وجزا الوحيفه(3) وابوعايد(4) يلاطفني *** وربعه معه كلهم من دون مثنيه
لو طيبهم بالسهل تبحر به السفني *** كل ٍ غرق فيه بالروحات والجيه
بني علي بالمكارم ماتخالفني *** الطيب من ساسهم مافيه شكيه
لا يابعد من يصد وتقل سافهني *** كل الدعابيل بالاكواخ مخفيه
يصد عني وانا ادريبه مخالفني *** اهل وجيه ٍ تكالح تقل مشويه
لعل ربي من الرديان ينصفني *** وجيه ٍ قبيحه وبالزرنيخ مطليه
(1) مبحل الطحيح الدهيم
(2) محمد علي بن غتر الدهيم
(3) جزا الوحيفه الكليخي
(4)محمد ضيف الله الضليعي الكتمي
وسلامتكم
حياكم الله في زيارتنا في ديوانيتكم
( ديوانية حرب الكويت )
[اخي /اختى العزيز/هـ لايمكنك رؤية الرابط الا بعد التسجيل واضافة رد ]
الأهــداءات
.:: إعلانات الموقع ::. 
جديد الشاعر ( جزا صالح )
